Honako hauek dira ICOk aurten abiarazitako finantzazio-lerroak: Inbertsioa, Nazioartea, Enpresa garapena, Likidezia eta Etxebizitza. Autonomoek, enpresek, entitate publikoek eta pribatuek, fundazioek, GKEek eta administrazio publikoak balia ditzake finantzazio berezi horien onurak. Pertsona partikularrek eta etxebizitza-jabeen elkarteek ICO Etxebizitza lerroa baino ezin dute erabili; eraikinak zaharberritzeko proiektuak ditu barne.

Inbertsio eta Likidezia lerroak erabilgarri daude jada Banca Cívicako edozein bulegotan. Gainerakoak datorren urtarrilaren 27tik aurrera, ostirala, kontratatu daitezke.

Kreditu Ofizialeko Institutua enpresa-entitate publiko bat da, Ekonomia eta Lehiakortasun Ministerioari atxikia dagoena; Espainiako enpresen hazkundea eta inbertsio-proiektuak bultzatzen ditu, batez ere, beren garrantzia sozial, kultural, berritzaile edo ekologikoarengatik lehentasunezko arreta merezi duten sektoreetako enpresenak. Zehatz-mehatz, honako hauek bultzatu nahi ditu ICOko finantzazioak: zinema-industria edo garraioa bezalako sektoreak, berrikuntza teknologikoko proiektuak, energia berriztagarriak, eta gure enpresek atzerrian duten presentzia.